Gullpungurinn...

er 8 ára í dag! Finnst næstum eins og ég hafi átt hann í gær, jah eða allavega ekki fyrir 8 árum. Við mæðginin fórum í borg óttans í dag og létum laga á okkur hárið. Hann var klipptur sítt og mamman stutt en hún skipti jafnframt um hárlit.
Afmælisveislan var í gær fyrir ættingja og var guttinn alsæll með allar gjafirnar sem hann fékk. Svo er afmæli fyrir vinina síðar í vikunni þegar mamman er komin í páskafrí og má vera að því að taka á móti 10-15 grislingum.
skelli inn mynd af afmælisdrengnum fyrir klippingu að vísu en hann er svo krúttlegur svona tannlaus. (Mynd af nýju klippingunni kemur síðar þar sem hann mátti ekki vera að því að "pósa" fyrir mömmu sína í kvöld).