þriðjudagur, febrúar 27, 2007

hvaða hvaða...


How Will I Die Quiz

How Will I Die Quiz

You will die at the age of 108

You will die of sexual exhaustion

Find out how you will die at Quizopolis.com

Quizopolis

sunnudagur, febrúar 25, 2007

ó hvað ég hlakka til...

Stjörnuspá: Þú ert á góðri leið með að finna aftur allt sem þú týndir. Það tekur nokkra daga. Ekki gefast upp. Það verður í fullkomnu lagi með þig. Einn andardráttur í einu. Bogmaður stendur með þér.

fimmtudagur, febrúar 22, 2007

Sátt...

miðvikudagur, febrúar 21, 2007

langaði ekki, vildi ekki, en varð...

að fara heim. Ég er semsé komin heim frá Ljúfu, hefði alveg verið til í að vera lengur. Átti yndislega daga í rólegheitum með henni og snillingunum. Litli gaur þvílík dúlla enda sat maður sem dáleiddur og horfði á barnið. Þegar við vorum ekki á flakki eða að horfa á barnið þá sátum við og dáðumst að kynþokka þessa manns. Ljúfa ég fékk myndina á flugvellinum og get því setið og horft á hann aftur og aftur eins og þú, en þarf ekki bara að sætta mig við bókina og rifja upp hvernig þættirnir voru (Pride and predjudice, fyrir þá sem ekki vita).

Fór svo í verslunarréttarprófið í morgun og held það hafi bara gengið fínt!

föstudagur, febrúar 16, 2007

ertu þá farin, ertu þá farin frá mér...

Dagurinn fór að mestu í að læra verslunarrétt, leikæfingu, kaffidrykkju og pökkun. Já nú er ég til! Búin að fá sendar ferðaleiðbeiningar frá Ljúfu minni svo ég komist örugglega alla leið. Núna á ég bara eftir að skella mér í sturtu, leggja mig smástund og hendast svo af stað út á völl... fer í loftið 07:15. - Spurning hvort ég geti sofnað því mig hlakkar svo til að hitta Ljúfu og snillingana hennar!

Minni Kærustuna á að ég mun hugsa til hennar og vona að hún komist með næst (skal hafa aðeins meiri fyrirvara).
Frú Grú ég mun svo koma með umbeðið M&M "með kaffinu" (hennar orð, svo ég hlýt að fá kaffi ef hún fær M&M).

fimmtudagur, febrúar 15, 2007

Beðið eftir póstinum...

Stóra dóttla er búin að bíða í heila viku eftir umslagi frá ríkislögreglustjóra – loksins kom það í dag! Umslagið innihélt auðvitað ÖKUSKÍRTEINIÐ! Loksins búin að taka prófið þó aldrinum hafi verið náð í nóvember sl. ekki stressuð á þessu dúllan. Hún rúntar nú um þorpið og höfðuborgina á STRUMPARÚTUNNI því BLÁMANN andaðist áður en hún náði að keyra hann (hún var reyndar ótrúlega glöð með það því hann er víst svo ljótur!)

Nú er að hefjast vetrarfrí hjá grunnskólagenginu mínu á morgun, þau ætla að vera hjá ömmu og afa fram á sunnudag – þá tekur stóra systir við þeim og gætir fram á þriðjudag – pabbinn verður mikið til í vinnunni og mamman ætlar að skella sér til Northampton því hún er í vetrarfríi til miðvikudags! Úff- ég hlakka svo til að ég get varla sofið, þarf samt að læra áður en ég fer á föstudagsmorgun. Af hverju ? – jú það datt einum kennaranum í hug að hafa próf fyrsta dag eftir vetrarfrí – svo við hefðum eitthvað að gera í fríinu! Óþolandi hugulsemi alveg hreint. Ég þarf líka að fara á fund hjá Leikfélagi Ölfuss annað kvöld, allt að fara í gang núna, búið að finna leikrit og alles, ég ætla hins vegar ekki að segja mikið því ég lofaði að tala helst ekki neitt fyrr en seinnipart á föstudag svo hægt væri að tala stanslaust fram á þriðjudagsmorgun – fyrir þá sem ekki hafa áttað sig á því þá er ég á leið til Ljúfu!

Skyndiákvarðanir rokka!

þriðjudagur, febrúar 13, 2007

mikið að gera eða hvað...

Nei, aðalega leti að hrjá mig núna. Það er ótrúlega gott að sjá til sólar í dag og vona ég að veturinn fari bara burt og komi ekki aftur.

Í skólanum gengur ágætlega, ég hef þó komist að því að verslunarréttur er ekki, ég endurtek EKKI áhugavert námsefni. Ég hef aldrei lent í öðru eins torfi til lestrar (með fullri virðingu fyrir höfundi), þá vil ég heldur lesa Íslendingasögurnar á fornmáli. Ég get sofna bara þegar ég reyni að lesa bókina.
Enskukennari óskast – MK stjórnendur leita nú að enskukennara fyrir okkur, hinn hætti – og nei, við vorum ekki svona óþekkar- konu greyið er veik fyrir hjarta og kennir ekki meir í vetur. Svo nú bíðum við eftir nýjum kennara.
Ég ætla loksins að láta meta einingarnar mínar úr öðrum skólum því mér skildist í morgun að ég þyrfti ekki að vera í þessum enskuáfanga- og einhverja áfanga ætti ég að sleppa við á næsta ári. Ég vissi svosem að ég gæti sloppið við eitthvað en var ekkert að stressa mig á því- ætla samt að koma þessu í verk núna.
Ég þarf að láta lita og klippa á mér hárið- klippan mín flutti eitthvert út í rassgat (H-eitthvað). Ég þarf að standa í að finna einhvern sem ræður almennilega við þennan ullarflóka sem vex á höfðinu á mér- það hefur ekki reynst auðvelt hingaðtil og ég yfirleitt orðið brjáluð þegar heim er komið. Ég hlakka því ekki til að finna einhvern nothæfan hárgreiðsluaðila. Ef þið vitið um einhvern ógisslega kláran og skemmtilegan klippara þá endilega látið mig vita (ég held að Heiða mín hafi ekki flutt út af mér).

Nú þarf ég að snúa athyglinni að svefnbókinni í þeirri veiku von að ég hangi vakandi, get ekki einu sinni vakað yfir glósum kennarans, spurning hvort háðsglósur virkuðu betur!

föstudagur, febrúar 02, 2007

Ein á báti...

eða kannski ekki báti... Ég er barnlaus núna því tengdamamma sótti grísina áðan og ætlar að vera með þau um helgina... Ég er eiginmannslaus núna því karlinn er í Amsterdam (síðan á miðvikudag) og kemur heim annað kvöld... Ég er því ein heima í kvöld og á morgun! Það væri sjálfsagt hægt að gera margt skemmtilegt, djamma, fara í heimsóknir, bíó eða eitthvað bara... ég er hins vegar svo þreytt að ég held ég geri ekki neitt! - nema kannski kíkja í skólabækur - jibbí! stórkostleg helgi framundan.

ef ég ætti eina ósk myndi ég óska mér - einhvers sem kemur og tínir upp leikföng, skellir í þvottavélina, ryksugar gólfið, skúrar, þurrkar af, vaskar upp, skrúbbar og bónar allt hátt og lágt, eldar mat og bakar... viðkomandi mætti hafa flottan sixpakk, stinnan rass og taka sig vel út í svuntu einni fata!